Laust er til umsóknar starf vef- og kynningarstjóra við Stofnun Árna Magnússonar í íslenskum fræðum. Starfið felst einkum í umsjón með vef stofnunarinnar, eftirliti með gagnagrunnum á vef, umsjón með fréttabréfi,  ársskýrslu, og annarri miðlun. Vef- og kynningarstjóri vinnur náið með forstöðumanni stofnunarinnar.

Starfshlutfall verður 50% frá 1. desember en stefnt er að 75% hlutfalli um mitt ár 2016.

Umsækjendur skulu hafa a.m.k. BA-próf í hugvísindum og meistaragráðu í upplýsinga- og fjölmiðlafræðum, menningarstjórnun eða sambærilegum greinum. Góð íslenskukunnátta er nauðsynleg. Einnig er krafist traustrar enskukunnáttu og færni í einu Norðurlandamáli. Reynsla af hvers konar fjölmiðlun og kynningarstörfum er kostur.

Um er að ræða nýtt starf sem krefst frumkvæðis og sjálfstæðra vinnubragða og góðra samskiptahæfileika. Starfið veitir gott tækifæri til að vekja athygli á mikilvægi íslenskrar tungu og bókmennta.

Umsóknir skulu berast  til Stofnunar Árna Magnússonar í íslenskum fræðum, Árnagarði við Suðurgötu, 101 Reykjavík, eigi síðar en 9. nóvember 2015 eða á rafrænu formi á netfangið kari@hi.is. Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin.

Laun eru skv. kjarasamningi Félags háskólakennara og fjármála- og efnahagsráðherra f.h. ríkissjóðs.

Við ráðningar í störf hjá Stofnun Árna Magnússonar í íslenskum fræðum er tekið mið af jafnréttisstefnu stofnunarinnar.

Frekari upplýsingar um stofnunina má finna á heimasíðunni: www.arnastofnun.is

Nánari upplýsingar um starfið veitir Kári Kaaber, sviðsstjóri stjórnsýslusviðs (s. 525 4010, kari@hi.is).