Opnað var fyrir nýtt vefsvæði á vegum Árnastofnunar 4. september síðastliðinn.
Íslenski málbankinn hefur það að markmiði að miðla málgögnum fyrir íslensku á öruggan og aðgengilegan hátt.
Allir geta sótt gögn í bankann en helstu markhópar eru fræðimenn og stúdentar í hug- og félagsvísindum sem rannsaka íslenskt mál og samfélag og forritarar sem vilja nálgast gagnasöfn, líkön og verkfæri sem tengjast máltækni.
Málbankinn er á vegum CLARIN-þjónustumiðstöðvar sem rekin er á Árnastofnun í samstarfi við sjö aðrar stofnanir:
- Háskóla Íslands
- Háskólann í Reykjavík
- Landsbókasafn Íslands – Háskólabókasafn
- Þjóðskjalasafn Íslands
- Íslenska málnefnd
- Ríkisútvarpið ohf.
- Almannaróm – miðstöð máltækni
CLARIN-þjónustumiðstöðin hefur starfað frá 2017.