Skip to main content

Gripla

Gripla
Gripla er alþjóðlegt, ritrýnt tímarit á sviði norrænna fræða fyrri alda og kemur út í desember á hverju ári. Tímaritið er alþjóðlegur vettvangur fyrir rannsóknir á sviði íslenskra og norrænna fræða, einkum handrita- og textafræða, bókmennta og þjóðfræða. Birtar eru útgáfur á stuttum textum, greinar og stuttar fræðilegar athugasemdir (sem eru ekki ritrýndar). Ritdómar um bækur eru ekki birtir í Griplu og heldur ekki þýðingar á miðaldatextum nema þær fylgi útgáfu textans á frummáli. Greinar skulu að jafnaði skrifaðar á íslensku en einnig eru birtar greinar á öðrum norrænum málum, ensku, þýsku og frönsku. Greinum og útgáfum (öðrum en stuttum athugasemdum o.þ.h.) fylgja stuttir útdrættir og lykilorð. Hverju bindi Griplu fylgir handritaskrá.
Útgáfan
Skilafrestur á greinum er til 1. apríl ár hvert.

Gripla er skráð í Web of Science™ gagnagrunninn og er metin til hæstu stiga (15) innan matskerfis Háskóla Íslands.

Hér má finna nánari upplýsingar um skil greina og birtingarferlið, ásamt leiðbeiningum um frágang greina í Griplu.

Ritstjórar Griplu eru Annette Lassen og Gísli Sigurðsson.
Aðgangur og áskrift
Áskrift að tímaritinu má panta með því að senda póst til Bóksölu stúdenta: orders@boksala.is.

Aðgangur er að Griplu er í gegnum vefinn Tímarit.is þar sem lesa má öll tölublöðin frá upphafi.