Jóhannes B. Sigtryggsson er ritstjóri Íslenskrar stafsetningarorðabókar (ÍS) og Málfarsbankans. Hann sinnir t.a.m. málfarsráðgjöf og leiðbeiningum um málnotkun og var ritstjóri Handbókar um íslensku (2011). Hann var ritari Íslenskrar málnefndar frá 2011–2017 og átti þátt í að semja drög að nýjum ritreglum nefndarinnar sem mennta- og menningarmálaráðuneyti gaf út 2016 og 2018. Hann sér um síðu ritreglna Íslenskrar málnefndar. Nýlegt ítarrit á vef um stafsetningu: Íslensk réttritun (https://rettritun.arnastofnun.is/). Rannsóknir Jóhannesar hafa á síðustu árum beinst að sögu íslenskrar stafsetningar og máli á 18. og 19. öld. Hann hefur unnið á Árnastofnun frá 2006 og hefur verið rannsóknarlektor frá 2016 og rannsóknardósent frá 2022.